خدعوك فقالو الصحة فى مصر فى النازل !!!!

هذة الرسالة ليست موجهة لكل الأطباء و لكن للأغبياء و عديمى الضمير منهم فقط .
المكان :- مصر

الزمان :- الوقت الحالى

مصر البلد اللى أخترعت الطب أيام الفراعنة , حالها دلوقتى بقى حاجة تانية خالص ....... !!!!


طبعا أتغيرت و تغيير شديد و كلكم فاكرينى هنتقد الطب فى مصر بس الطب فى مصر " بجد " زى الفل !!!!


الشعب المصرى من أكثر الشعوب اللى صحتها كويسة فى العالم للأسباب التالية :-


1. أولا كدة طول اليوم المواطن المصرى يستنشق أنقى هواء بما يحتوية من أول أكسيد الكربون المفيد الذى يطيل العمر ( دراسة مؤكدة علميا ) و إلى جانب رائحة قش الأرز وهى ( ظاهرة ينتظرها المصريين بشوق لأنهم يفتقدون اللون الأسود الزاهى فى السماء ) بجانب المخلفات البيولوجية اللطيفة ( الزبالة ) اللتى رغم جهود الدولة فى أزالتها إلا أن الشعب يقاوم أزالة المخلفات البيولوجية اللطيفة لأنها ببساطة حضارية المنظر مع ما تجتذبة من ذباب و طبعا الحيوان الزغبى الجميل المحبوب ( الفار ) الحامل للبكتريا و الفيروسات
المفيدة مثل الطاعون و العديد من البكتريا و الفيروسات المفيدة دا غير الكلاب البلدى اللى حلم كل مصرى يربى واحد منهم لأنهم فى غاية الجمال و طبعا القطط الرائعة لا تحتاج إلى وصف !!!



2. التغذية :- الشعب المصرى من أكثر الشعوب التى تتناول طعام صحى من ( العيش المحلى بقطع الخشب و المسامير و الخضراوات المسرطنة اللذيذة و الفواكه المهرمنة الملعوب فى أساسها الطعمة بجانب اللحوم الرائعة بنكهاتها المختلفة " كلاب , حمير , خنازير " و من زمن ظهرت لحوم بنكهه جنون البقر لكن الطلب قل عليها الأيام دى و الفراخ اللى عندها برد و زكام الخطيرة و مش هننسى السمك أكيد بأنواعة " المحلى المسمم و المستورد الفتاك " و دا غير السلع الغذائية الفاسدة عامة !!!!


3. أسلوب الحياة :- تحت أشراف الدولة الكريمة يتم تحذيرنا من الأخطار مع أعلانات " صحتك أولا و الضرائب ثانيا " المنتشرة و أحب أشكرهم على أغنية شعبولا !!!!


أنا من رأيى دولة زى مصر الدكاترة لازم تهج منها لأن واضح أن مفيش أمراض فى مصر و دة اللى شجع الدكاترة على العروض الجامدة جدااااا و الحصرية !!!


مثلا واحدة بتولد قيصرى و قبل ما يخيط بيحط فوطة هدية للأم بمناسبة المولود الجديد !!!!

و واحد رايح يعمل عملية فى بطنة بيشيلوله الكلى و حتة من الكبد مجانا !!!!
و واحد رايح يعمل عملية الزايدة يحطلة الدكاترة موبيل 3310 بخط فيفي فون و معاه 5 رسايل مجانية كل شهر

و " عرض إنتا الكسبان " تروح لدكتور السنان تفحص سنانك و يحط أدواتة " المعقمة " فى بقك ممكن تكسب فيروس سى مجانا !!!!


يقولك أعملى التحاليل دى و تبقى ب 300 جنية و فى الأخر يقولك ...... عندك برد !!!!

أو يبقى عندك كحة يدييك دوا كبد , قشطة يعنى كلة فى السافوريا !!!!


تبقى دافع للدكتور المشهور كذاكذا أد كدة على قلبة علشان يعملك عملية أول ميخدروك الدكتور المشهور كذاكذا يقعد على الكرسى يشرب شاى و يقرا الجرنان و يخلى أى حد من " صبيانة " يشرحك !!!!


عمر ما أى دكتور هيقول معرفش كلة بيفتى !!!!


لو عايز تكشف فى مستشفى حكومى روح قبل ما تتعب بأسبوعين علشان تاحقلك مكان أو تبقى عارف حد واصل ( أمين شرطة مثلا )


لو عايز تكشف فى مستشفى خاص أعمل حسابك فى ربع أرنب ( 250,000 ) لأنهم هيطلعوا أن فييك أمراض الدنيا كلها !!!!

و هكذا

بعد كل دة و برضة بحبك يا مصر !!!!

رئيس كارهى الأطباء الأغبياء و عديمى الضمير فقط وليس كلهم ماجد صالح !!!!

قوول يا شعبولا قوول ....... نفسى شعبولا يبقى وزير الصحة !!!!

و أحب أشكر خالد و ندى و دكتورة دعاء المتولى

رسالة من رئيس كارهى الثانوية العامة !!!!

مش عارف ليية الطلبة بيقولو الثانوية العامة معقدة و بنت .......... لأن أكييد الطالب بيستهبل , لأن :-

1. الأساتذة " بيشرحو" فى الفصول كل حاجة لدرجة أن الطالب لا يحتاج دروس خصوصية

2. المناخ المهيىء فى المدرسة من أول الدخول من الباب حتى الخروج منة أو من فوقة أو من فوق السور بما يحتوية أى " السور " من قطع زجاج و شحم دا دون ذكر الابواب الحديد المقفولة بقفل على كل سلم

3. دور الأهالى فى التهييء للثانوية من معسكرات و خنادق و تهدئة أبنائهم بكلام مثل ( لو مدخلتش طب بعد الصرف دة كله هطلع تييييت تيييييت تييييييييت تتييييتك )

4. العلاقة الجيدة بين المدرس و الطالب لدرجة أنهم بقوا ذى الاخوات و ممكن يضربوا بعض " بهزار " مما أدى إلى زيادة الأحترام المتبادل بينهم .

5. بعض السفلة و السفهاء وهم قلة قليلة لا تذكر إللى بياخدو دروس خصوصية و لا أعلم ليية من قلة الشرح فى الفصول يعنى ؟!!

6. دا حتى مبقوش يوزعوا ورقة الغياب لأن مفيش غياب من أساسة .

7. الطلبة مؤسسين من الصغر على المناهج المصرية .

المناهج المصرية بقى دى حكاية لوحدها :-

أولا أقوى الطلاب فى العالم الطالب المصرى , ليس عقليا و لا فكريا بل جسديا لأن طلابنا يا جدعان يمارسون حمل الأثقال يوميا و كل ما تكون المدرسة أبعد كان الطالب أقوى .

ثانيا المناهج بها كل ما يحتاجة الطالب بل و تتكرم الدولة بزيادتها بكمية من اللت و العجن و الرغى و الحشو الغير عادية و طبعا زيادة الخير خيريين .

ثالثا توفر الدولة دليل التقويم لكل طالب و يمكن الحصول علية عن طريق أى واسطة " تجربة شخصية " .

رابعا من سهولة مناهج علمى يحول نصفهم إلى أدبى حبا فى الصم .

و من المواد المفضلة للطالب المصرى :-

1. العربى :- اكيد علشان النحو اللذيذ اللى كل الطلبة بتحبو !!!!

2. الدين :- المهمش تماما و هو مادة نجاح و سقوط و كتابة يفتح مرة واحدة فى السنة أى قبل ليلة الامتحان " تجربة شخصية " .

3. الفزياء و الكمياء و الأحياء :- من " أكثر المواد المحبوبة لسهولة أمتحاناتها المتوقعة و تكون كلها من المنهج " .

4. الفلسفة و التايخ و علم النفس :- كل ما تكتب أكتر فرصتك فى النجاح تكبر !!!!

5. الرياضيات :- عقدة كل أدبى و نص علمى ...... مش محتاجة كلام .

أيام الأمتحانات , أحلى أيام فيكى يا ثانوى :-

الطالب المصرى مشهور بشىء أخر و هو أنة بيخلص الأمتحان فى نص الوقت و طبعا بعد كل أمتحان تملوالزغاريد الشارع و الفرحة بسهولة الأمتحانات و لأن كلها من المنهج لا يوجد اى سؤال من خارج المنهج .

و مبروك المجموع !!!

رئيس كارهى الثانوية العامة ماجد صالح !!!!

شكر خاص للدكتورة دعاء المتولى

يبقى إنتا أكيد فى مصر !!!!

صحيت فى ميعادى بدرى لقيت السما صافية دخلت المطبخ لاقيت العيش الطازة بتاع كل يوم و مية الحنفية بقت نضيفة لدرجة ان مبقاش فية شركات مية , نزلت الشارع أتمشى فى الشوارع النضيفة الخضراء لا فيها مطبات ولا بلاعات مكسورة ولا عيال بتتداس ولا ست بتتنشل ولا شاب طايش و لاقييت عيال بتلعب فى الشارع مبيدبحوش فى بعض بحتت سيراميك ولا عربية راكنة صف تانى ولا تالت ولا رابع او حتى صف أول مما أدى إلى سيولة مرورية أدت إلى أختفاء التكدس المرورى , كلو بقى ماشى على القوانين !!!!

قولت أركب القطار وما أدراك ما القطار .... نضافة إية و دقة مواعيد و نظام اية و إية مفيش حد واقف فقعدت على الكرسى بتاعى و لا شفت بتاع اللب ولا بتاع الامشاط !!!!

أختفت ظاهرة نوم نواب مجلس الشعب و اكل اللب و السودانى فى المجلس !!!!

أختفت ظاهرة سرقة الأثار المصرية بل و أستعادت مصر الأثار التى تم تهريبها !!!!

أختفت الأدوية المغشوشة و المصنوعة تحت بير السلم !!!!

و إلى بيدخل المستشفى بقى يخرج بكامل أعضائة و الدكاترة مبقوش ينسوا موبايلاتهم أو مقصاتهم أو حتى فوطهم جوة المرضى !!!!

الإقتصاد بتاعنا بقى زى الفل الجنية بقى ب 5 دولار و بقى مفيش بطالة و دا غير الرضا الوظيفى فالموظفين بقوا علية القوم من كتر المرتب مما أدى إلى أختفاء ظاهرة الأختلاس وأيضا أختفت ظاهرة أختلاس المال العلم و هروب رجال الأعمال و اصبحت السلع الموجودة مصرية الصنع و أختفت أيضا ظاهرة التصحر و اصبحت الرقعة الزراعية تزداد و لم يعد هناك تعديات على النيل أو ردم و بقينا نصدر الخضار و القمح بقينا نرمية فى النيل من كترة و كل الزراعات بقت أورجانيك , بس لسة مشكلة.... الهجرة الغير شرعية .... هجرة الأجانب لمصر طبعا !!!!

دا غير التقدم التكنولوجى الرهيب دا بقى عندنا فى الميزانية جزء كبير لحاجة اسمها الأبحاث العلمية و بدانا نكتشف علمائنا بنفسنا دا غير جوايز نوبل الى بقت زى الرز الى اخدناها و أخيرا المفاعل الذرى اشتغل و بقت مصر منارة العلم !!!!

فتحت الدش على القمر الصناعى egy sat الى صنعناة و أطلقناة من على جبل المقطم كل البرامج هادفة و لا يوجد سب أو قذف و مرتضى و شوبير بقو حبايب و صادق و مدحت كمان !!!!

الحرية بقت فى كل حاجة و كلو بقى يتمنى

يعيش فى أم الدنيا !!!!

.... ظلام تام !!!!

.... نور ساطع و مفاجىء !!!!

أنا أية أللى صحانييييييييى ؟؟؟؟!!!!

للأسف الصاحى من الحلم :- ماجد صالح

شكر خاص للدكتورة دعاء المتولى

انفلونزا الخنازير .....

الاسم ؟
- أحمد . ع . أ .

السن ؟
- 22 سنة .

المهنة ؟
- طالب فى احدى الجامعات الخاصة , قسم اعلام .

كيف اكتشفت أصابتك بانفلونزا الخنازير ؟
- كانت درجة حرارتى عالية 39 س و احتقان فى الحلق و دوار فذهبت للمستشفى و لم اغادر الا بعد العينة و هنا علمت ان عندى H1N1 .

ما هى طريقة العلاج حاليا ؟
- اقراص تاميفلو - اقراص مزيلة للبلغم - اقراص مهدئة للمعدة - اقراص خافضة للحرارة .

ما هى طريقة معاملة أصدقائك و القريبون منك بعد معرفتهم بأصابتك بانفلونزا الخنازير ؟
-معاملة ايجابية فقد اتصل بى العديد من اصدقائى للاطمئنان على و زارونى ايضا .

ما هى طريقة المعاملة فى المستشفى ؟
- المعاملة جيدة جدا , الدكتور يمر كل يوم للاطمئنان على ( صباحا و فى المساء ) الممرضات يمرون فى مواعيد ثابتة لاعطائى الدواء .

بماذا تنصح الناس من واقع أصابتك بانفلونزا الخنازير ؟
-الابتعاد عن الاماكن المزدحمة و غسل اليدين و الابتعاد عن التجمعات وعدم التقبيل .

هل كنت تعتقد انك ستصاب بانفلونزا الخنازير ؟
- أطلاقا !!

اذا امكنك الرجوع قبل الاصابة ما هى الاحتياطات التى ستتخذها ؟
- كنت ساستخدم الكمامة و اتجنب السلام باليد و ابتعد عن التجمعات وعدم التقبيل .

هل سألت الطبيب , هل من الممكن ان تصاب بانفلونزا الخنازير مرة اخرى بعد الشفاء ؟
- نعم و قال لى اننى اكتسبت مناعة ضدها .

هل تعلم اذا كان هناك لقاح لانفلونزا الخنازير ؟
لا اعلم .

فى النهاية الحمد للله على كل شىء .

و احذروا انفلونزا الخنازير مرض خطير , أعراضة بسيطة .

و أتمنى لك الشفاء العاجل يا صديقى

و شكرا

ماجد صالح .


لمعلومات عن انفلونزا الخنازير أضغط هنا >>> انفلونزا الخنازير
شكر خاص للدكتورة دعاء المتولى