أوحش ست في العالم ؟

أحب أعرفكم علي Lizzie Velásquez 

وحشة صح ؟

إيه المنظر دا ؟

قبل ما تقول كل دا عارف قصتها ؟

البنت دي " ليزي " إتولدت بمتلازمة مش موجود غير عندها هي و شخص تاني في العالم بس و هي إنها مبتزيدش في الوزن عن 64 باوند اللي هو 29 كيلو و جسمها نسبة الدهون فيه صفر

ليزي مش كدة علشان هي عايزة كدة و حاولت تاكل كتير و مبتتخنش هي ثابتة كدة و بتحتاج تاكل و بيوصل إحتياجها للطاقة في اليوم لحوالي 5,000 سعر حراري مقارنة بالنسبة الطبيعية 3,770 سعر حراري و بتاكل وجبات كتير في اليوم علشان جسمها محتاج دا

ليزي من و هي عندها أربع سنين إبتدت تفقد الرؤية بعينها اليمين و هي حالياً مبتشوفش بيها و العيش الشمال ضعيفة

الدكتور قال لأبوها و أمها البنت دي مش هتعرف تمشي ولا تتكلم ولا تعمل حاجة بنفسها بس أهلها قالوا هنفضل جبنها و بصوا عليها إنهاردة

إنهاردة ليزي عندها 24 سنة و كتبت قصة حياتها في 2010 في كتاب باللغتين الإنجليزية و الأسبانية و في 2012 كتبت كتابها التاني بعنوان Be Beautiful, Be You - كن جميلاً, كن أنت اللي بيشجع الناس إن الشكل مش مهم المهم تحب نفسك

ليزي اللي الدكتور قال عليها "مش هتعرف تمشي ولا تتكلم ولا تعمل حاجة بنفسها " إنهاردة بتطلع ندوات و مؤتمرات و تتكلم عن قصتها و إزاي بتواجه عالم كله شايفها وحشة و ليها جهود في مواجهة البلطجة " Bulling " 

الإنسانة دي من أجمل البشر فعلاً بس لازم تسمعها الأول -> http://www.youtube.com/watch?v=c62Aqdlzvqk

مصادر:

http://www.youtube.com/watch?v=c62Aqdlzvqk
http://en.wikipedia.org/wiki/Lizzie_Vel%C3%A1squez 

الثمرة السحرية

الإسم العلمي هو Synsepalum dulcificum و الإسم المتداول هو Miracle Berries و هو نبات بينتج ثمرة صغيرة كدة و النبات موجود في الأصل في غرب أفريقيا و كانت بتستخدم لتحويل طعم الأكل للأحسن ,,, إزاي ؟

الثمرة دي بتحتوي علي بروتين إسمه miraculin البروتين دا لما بيلمس براعم التذوق في اللسان بيخلي أي حاجة حامضية طعمها مسكر و الـMiracle Berriesملهاش طعم مميز بس أي حاجة حامضة بعدها بتبقي مسكرة,تخيل تاكل ليمونة تلاقيها مسكرة جدا أو تشرب خل تلاقي طعمه حلو بس الـ Miracle Berries مش هتغير من اللي إنت بتاكله فلو قعدت تاكل ليمون كتير مثلاً بطنك هتوجعك و الـ Miracle Berries ممكن تستخدم مع مرضي السكر و مع مرضي السرطان اللي الكيماوي قلل حاسة التذوق عندهم و في الدايت و التخسيس

المصادر

http://www.youtube.com/watch?v=XWVzL5AzkF4

http://en.wikipedia.org/wiki/Synsepalum_dulcificum

http://www.nytimes.com/2008/05/28/dining/28flavor.html?_r=1&

لحظة.

و في لحظة ما و علي الرغم من إنك عيشت نفس الموقف قبل كدة بس تحس المرة دي مختلفة كإنها مسحت كل اللي قبلها و كأنها أول مرة و نفسك تبقي أخر مرة

كل لحظة قبلها بتتضائل إن لم تختفي و لما بتفكر في المستقبل و بعد كل السيناريوهات اللي دماغك بتحطها بتلاقي إن مفيش لحظة هتبقي زي دي برضو

بتقول ما ممكن اللحظة دي ييجي اللي أجمل منها في المستقبل و تقول نفس الكلام دا عنها بس إلا دي مستحيل لأن ليها سحرها الخاص اللي مش هتحسه تاني

اللي هي لحظة هتبقي فاكرها طول عمرك بغض النظر عن نتايجها و عواقبها برضوا هتفتكرها و هتفتكر إحساسك ساعتها و كل ما تفتكر هتبتسم من غير قصد

و مهما حاولت تكره اللحظة دي دا لو قدرت تقتنع إنك لازم تكرهها هتفشل، دي اللحظة الوحيدة في عمرك اللي كنت عايش فيها فعلاً، كأن عمرك كله لحظة..

ممدوح " الأسطورة " فرج .

بيقولك ممدوح فرج لما بيشرب بيبسى الإزازة بيجيلها هشاشة عظام .
— جندى مجند ماجد صالح (@MagedSaleh) August 31, 2012

بيقولك ممدوح فرج و كلارك كنت " Super Man " لما ببلعبو رست الترابيزة بتخسر .
— جندى مجند ماجد صالح (@MagedSaleh) August 31, 2012

بيقولك ممدوح فرج بيظهر ملون فى الأفلام الأبيض و إسود .
— جندى مجند ماجد صالح (@MagedSaleh) August 31, 2012

بيقولك ممدوح فرج هو الوحيد اللى كان بيتسمع صوته فى الأفلام الصامتة .
— جندى مجند ماجد صالح (@MagedSaleh) August 31, 2012

بيقولك ممدوح فرج فى حرب أكتوبر كان بيضرب الدبابات كروزلاين .
— جندى مجند ماجد صالح (@MagedSaleh) August 31, 2012

بيقولك مدوح فرج هو السبب فى نكسة 67 لأنه كان نايم .
— جندى مجند ماجد صالح (@MagedSaleh) August 31, 2012

بيقولك ممدوح فرج السبب فى زلزال 92 كان بيتقلب فى سريره .
— جندى مجند ماجد صالح (@MagedSaleh) August 31, 2012

بيقولك ممدوح فرج تويتاته مبتتسرقش ... تويتاته هى اللى بتسرق .
— جندى مجند ماجد صالح (@MagedSaleh) August 31, 2012

بيقولك ممدوح فرج أسقط الإتحاد السوفيتى بباور سلام .
— جندى مجند ماجد صالح (@MagedSaleh) August 31, 2012

بيقولك ممدوح فرج كان فى فيتنام وقت ما كان الأمريكان بيهاجموها .
— جندى مجند ماجد صالح (@MagedSaleh) August 31, 2012

بيقولك ممدوح فرج نط فى المحيط الهندى خلى اليابان كلها تغرق .
— جندى مجند ماجد صالح (@MagedSaleh) August 31, 2012

بيقولك ممدوح فرج أول مرة يهتف " أنا أريد إسقاط النظام " كانت فى 11 فبراير 2011 .
— جندى مجند ماجد صالح (@MagedSaleh) August 31, 2012

بيقولك ممدوح فرج مبيرميش الجلة ، بيبصلها بس تقوم نازلة مكان ما يحب .
— جندى مجند ماجد صالح (@MagedSaleh) August 31, 2012

بيقولك ممدوح فرج في سباقات قفز الحواجز ، الحواجز بتوطي علشان ينط براحته .
— جندى مجند ماجد صالح (@MagedSaleh) August 31, 2012

بيقولك ممدوح فرج مبيجيلوش Daily Limit .
— جندى مجند ماجد صالح (@MagedSaleh) August 31, 2012

بيقولك ممدوح فرج قوة البوكس الواحد منه 1.2 Megatons of TNT .
— جندى مجند ماجد صالح (@MagedSaleh) August 31, 2012

بيقولك ممدوح فرج قعد فى بطن أمه 3 سنين .
— جندى مجند ماجد صالح (@MagedSaleh) August 31, 2012

بيقولك ممدوح فرج بيصيف فى كوكب نبتون .
— جندى مجند ماجد صالح (@MagedSaleh) August 31, 2012

بيقولك ممدوح فرج بيشتى فى كوكب عطارد .
— جندى مجند ماجد صالح (@MagedSaleh) August 31, 2012

بيقولك ممدوح فرج كان فى هيروشيما ساعة القنبلة الذرية ... هدومه إتوسخت من التراب .
— جندى مجند ماجد صالح (@MagedSaleh) August 31, 2012

بيقولك ممدوح فرج لما بيعدى من جنب مثلث برمودا ... مثلث برمودا بيختفى من على الرادارات .
— جندى مجند ماجد صالح (@MagedSaleh) August 31, 2012

بيقولك ممدوح فرج لما بيطلب ماكدونالدز الأوردر بيوصل قبل ما يقفل السماعة .
— جندى مجند ماجد صالح (@MagedSaleh) August 31, 2012

بيقولك ممدوح فرج زعل من أبوه ، أبوه راح يبوس إيده علشان يسامحة .
— جندى مجند ماجد صالح (@MagedSaleh) August 31, 2012

بيقولك ممدوح فرج هو السبب إن نهاية العالم هتبقى فى 2012 ...غالباً هياكل محشى كرنب .
— جندى مجند ماجد صالح (@MagedSaleh) August 31, 2012

بيقولك ممدوح فرج لما بيتبرع بالدم بيتبرع بالطن .
— جندى مجند ماجد صالح (@MagedSaleh) August 31, 2012

بيقولك ممدوح فرج مرسوم على جدران معبد الكرنك و هوا بيصارع جيش الهكسوس جندى جندى .
— جندى مجند ماجد صالح (@MagedSaleh) August 31, 2012

بيقولك ممدوح فرج هو اللى وحد القطرين بس محبش يلبس تاج زى النسوان .
— جندى مجند ماجد صالح (@MagedSaleh) August 31, 2012

بيقولك ممدوح فرج بيتصور و يبعت الصور MMU بموبايله الـ Nokia 3210 .
— جندى مجند ماجد صالح (@MagedSaleh) August 31, 2012

بيقولك ممدوح فرج لما بيروح الجيم بيمرن الأجهزة .
— جندى مجند ماجد صالح (@MagedSaleh) August 31, 2012

بيقولك ممدوح فرج معاه صور فاضحة لحتشبسوت من فوتوسيشن فى طيبة .
— جندى مجند ماجد صالح (@MagedSaleh) August 31, 2012

بيقولك ممدوح فرج وهو صغير أمه زعلته دبدب فى الأرض فصل القارات عن بعضها .
— جندى مجند ماجد صالح (@MagedSaleh) August 31, 2012

بيقولك ممدوح فرج مبتراودهوش الأفكار ... هو اللى بيراود الأفكار .
— جندى مجند ماجد صالح (@MagedSaleh) August 31, 2012

بيقولك ممدوح فرج مبتجيلوش الفكرة هو اللى بيروحلها .
— جندى مجند ماجد صالح (@MagedSaleh) August 31, 2012

بيقولك ممدوح فرج حامل الرقم القياسى الأوليمبي فى السباق الخماسى ... 7 ثوانى .
— جندى مجند ماجد صالح (@MagedSaleh) August 31, 2012

ما بين التسعينات و الأن و المستقبل

عايز تشوف الإنحطاط اللى وصلناله ؟ شوف أغانى التسعينات و أغانى دلوقتى و قارن بينهم

عايز تعرف الإنحطاط اللى هنوصله ؟ شوف إتغيرنا إزاى من التسعينات لدلوقتى و فكر كدة فى هنوصل لفين كمان كام سنة

الموضوع كان بيتغير ببطء إلى حد ما , بس حصل حاجة عملت " إنفتاح "

زى المخدرات مثلاً كدة بتبتدى مثلا بـ 1 - 2 - 3 - 4 - و فجأة تلاقى نفسك فى 10 - 11 - 12 - القفزة من 4 لـ 10 غير مفهومة

يمكن علشان الواحد بيجيله فترات بعد ما تعدى مرحلة من عمره بيحسها عدت بسرعة فـ مبيحسش بالـ " قفزة " من 4 لـ 10

بس اللى أعرفه إن فيه حاجة حصلت فتحت حنفية الإنحطاط على أخرها

ممكن ... و أنا بقول " ممكن " يكون الإنترنت عامل مساعد أدى لإنتشار ( الإنحطاط \ تغيير العادات الأصلية ) أسرع

ممكن ... و أنا بقول " ممكن " يكون تطور طبيعى للمجتمع بسبب الأخلاق العامة اللى كانت زمان مغروزة صح فى الناس بس دلوقتى 

متخلخلة إلى حد ما

و عارف إن الإنترنت زى ما ليه مساوئه ليه إيجابياته و مقدرش أنكر دا

غالباً المشكلة مشكلة أجيال

المشكلة إن مثلاً جيل الخمسينات إتربى على مثلاً 100 حاجة فى الأدب > جيل الستينات إتربى على 90 حاجة فى الأدب > و هكذا

ممكن الـ 3 عوامل مدموجين مع بعض ( التربية - الإنترنت - الوقت ) هما السبب

و ممكن يكون ولا حاجة من اللى قولتها صح

مش عارف ... حبيت قال يعنى " أفكر بصوت عالى "

نظرية التوفيق عكاشة

يا شعب الأنترنت ..... أنا مصدوم .. مندهش ... حاسس إنى كنت غبى .. جداً

كلكم طبعا عارفين توفيق عكاشة .. صح ؟ أيوا الأهطل اللى قعدنا نشير فيديوهاته و نتريق عليها و نفبركله كمان شوية فيديوهات نضحك بيها الناس بس إحنا ...... أغبياء للأسف

إعتقدنا إن توفيق عكاشة هوا الغبى بس للأسف إحنا اللى أغبياء .

توفيق عكاشة دا من الطامحين للشهرة .. بس من الأذكياء .. لييه من الأذكياء ؟

لأن الطامحين للشهرة نوعين 1- الأذكياء :- اللى بيظهروا بسرعة و بيحافظوا على الشهرة لفترة طويلة
2 - الأغبياء اللى بيظهروا بسرعو و بينتهوا أسرع .. اللى بياخدوا الـ 15 دقيقة شهرة و الناس بتنساهم ( 15 minuets of fame )

من أيام و بعد الثورة و توفيق أدائه الأعلامى زاد و " الـعبط " زاد و الفيديوهات بتاعته بقت بتتشير كل شوية و أتعمله صفحات على النت و ناس أكتر عرفت توفيق عكاشة لدرجة أنه لو سألت أى حد فى الشارع هيقولك هوا مين .... إحنا اللى فرضنا وجود توفيق عكاشة على نفسنا ... إحنا اللى شهرناه لأننا نشرناه ..

ما لفت إنتباهى إلى غبائى هو هذا الفيديو

بالذات لما عكاشة قال :- " أنا عاملك حلقة عالية قوى , متعمد إنى أعملك الشوية دول , علشان خاطرك و الله " من 00:5 لـ 00:11

مش محتاجة خبير إعلامى علشان يفهم اللى عكاشة قاله و مش محتاجة خبير إعلامى يقول إن معنى كدة إن الحلقة متفبركة و مش محتاجة خبير إعلامى علشان يقول أحا على التعريص الإعلامى !ا

توفيق عكاشة .. إحنا اللى صنعناه .. إحنا اللى شهرناه

إحنا اللى شهرناه لما طلعله ألاف الصفحات و عملنا لايك و لما عملناله فيديوهات , و لما ألفنا نكت عليه و لما برامج عملت حلقات كاملة عليه و لما شيرنا مقاطع من برنامجه و لما بقينا نحب نضحك بقينا نقلب نتفرج عليه بس للأسف فيه حاجة إحنا مش منتبهين ليها .. إحنا قد نكون بنضحك .. قد نكون بنفهم بس فيه غيرنا كتير مش فاهمين

الناس البسيطة اللى بالنسبالهم مادام الحاجة على التلفزيون تبقى حقيقة , الناس دول شايفين توفيق عكاشة بطل مصرى شايفينه محارب الماسونية البطل المغوار الذى لا يكل و لا يمّل و الراجل اللى طلع للعالم بطل جديد زيه ( أحمد سبايدر )

دا غير أن عكاشة بقى عالمى و دا حاجة مش كويسة .. دا .. مش بيشوه صورة مصر دا بيوسخها




attention whores and people realization

• لو الناس فهمت كلامى " مش هيحصل " هيبطلو يشيروا و يتفرجوا و يـ-لايك-و و يتويتو حاجاته
  
  
• توفيق عكاشة لو لقى إن المشاهدات إبتدت تقل عيار العبط هيزيدو هيقول حاجات أنيل و تصل لدرجات الصدمة و إحتمال " 90 % " الناس هتتجاوب و يرجعوا يتفرجوا عليه
  
  
• و إحتمال ال ( 10 % ) الباقية أن الناس هتتجاهلة
  
  

• لما التجاهل يستمر هيستنفذ ما فى جعبته من عبط حتى يقل ظهوره إلى أن يختفى
  

فمشكلة توفيق عكاشة حلها فى إيدينا سواء هنشهره أكتر أو نمحيه من الوجود بأستيكة .
(نفس المشكلة بنفس الحلول تنطبق على أحمد سبايدر )

أتعهد أنى مش هنشر أى حاجة تانى عن توفيق عكاشة و الصبى بتاعه .

اللى من نفس الدولة اللى فيها توفيق عكاشة للأسف ماجد صالح .

إنتوا المفروض اللى تلبسوا طرح !ا

هذه شهادتى عن بعض ما حدث يوم السبت 19 نوفمبر

كنت نايم تعبان و أول ما صحيت فتحت الفيس لقييت سعيد بيقولى دول بيتضربوا فى الميدان و كلمنى و شوية و نزلت أنا و سعيد على الساعة تلاتة و نص و عقبال ما لقينا ميكروباص للسيدة عائشة عدى علينا بتاع نص ساعة لأن سواقين الميكروباصات مكانوش عايزين ينزلو السيدة عائشة و ركبنا لبباب الخلق و نزلنا بعيد إلى حد ما من الميدان و مشينا لمدة 15 دقيقة و دخلنا الميدان , كان العدد قليل و فيه عربية أمن مركزى مولعة .

هتفنا شوية و دخلنا أنا و سعيد معركة محمد محمود على الصف الأولانى قعدنا نضرب و فى وسط الضرب خدت مطاطى فى كتفى و فى المؤخرة " جايبين قناصة مطاطى ولاد الوسخة هههه " بس مفرقش معايا علشان لابسي تقيل . و فى مرة و أحنا بنتراجع النضارة وقعت و أنا من غير نضارة زى كوز الذرة .... مليش لازمة .... بس الحمد لله لحقتها " مش عارف إزاى " من على الأرض و محدش داس عليها و بعد عمليات هجوم و تراجع و بسبب الغاز دخلوا علينا الميدان و الناس واقعة فى الأرض , شيلنا الأتنين اللى فى طريقنا لأقرب المخارج عند عمر مكرم عند الأسعاف و مسيبناهمش إلا و هما كويسين و بيردوا علينا و طلعنا عند قصر النيل و دخل ولاد الوسخة الميدان و بيضغطوا علينا , الناس بتقول الكوبرى مقفول من الناحية التانية , قعدنا حوالى ساعة عند الأسدين نضرب عليهم لحد ما دخلوا بالغاز المكثف تانى نزلنا شمال على الشارع و فضلنا فى كر و فى و فيه ناس قالت نفتح المرور علشان العربيات تعطلهم بس للأسف المرور لما أتفتح اللأمن المركزى اللى جاى من الناحية التانيةوصل أسرع بس الحمد لله هجمنا على البوكس طلع جواه رتبة كبيرة و عسكرى , الناس مشوا العسكرى و مسكوا الرتبة بقوله أيه الـ***** اللى أنتوا بتعملوها دى يقولى خلاص خلاص خلاص و جيه واحد من ورا إداله شلوت فشيخ الراجل طار و بعد كدة خدوه مش عارف راح فين و سعيد خد خرطوش فى إيده و كان فيه محاولات دهس من عربيات ولاد الوسخة المركزى و دخلنا لما سمعنا أن مداخل كتير عليها ثوار بيضغطوا دخلنا من عند المتحف المصرى و الميدان أصبح لنا

ملاحظات اليوم
- شوفت ستات بنات مصريين الواحدة فيهم بـ 100 واحد من اللى بيقولو النساء عورة و لازم يقعدوا فى البيت و من غيرهم كنا هنتفشخ اليوم دة لأنهم كنوا اللى بيفوقونا من الغاز , دا غير الدعم النفسى لما تلاقى ست عجوزة فى وسط الضرب و بتدعيلنا

- الغاز يوم السبت كان حله الخل يتشم و البيبسى على الوجه و لكن يوم 20 الغاز مختلف , الخل مبيعملش حاجة و البيبسى بيزود الحرقان فى الوش

- ناس كتيرة قوى من التيار الأسلامى نزلت بعد القصة دى كلها و تلاقيه بيتكلم فى الأنتخابات و ريحته مسك كدة ولا كأننا كنا بنتفشخ من شوية

- كنت يومها تعرف اللى معاك من بدرى من ريحته اللى كلها غاز و خل و بيبسى

- كان فيه عيال بيسلموا الناس للشرطة بأنهم يقولو الشارع كذا الناس بتتقفش فيه و يشاورلك على شارع جانبى .... دايما تأكد من الشارع بنفسك و أمشى فى شوارع تعرفها

- كنت عندى يأس طول اليوم لولا سعيد اللى كان جنبى طول اليوم و بث فيا الأمل ... من غير سعيد كان الوضع أختلف بالنسبة لى .... شكرا يا سعيد

متقلقوش

متقلقوش !

من قراءة أراء الناس لسماع أحاديث الشارع , خاصة بعد تفعيل قانون الطوارىء و زيادة بعض البنود علييه و التوجس من تشبث العسكر بالحكم و أن نظل دولة عسكرية , أحب أقول متقلقوش

سألتونى لييه .... هقولكم :-

على الرغم من أننا الجيل إلى أهله قالوله
" أمشى جنب الحيط "
" لو شفت مظاهرات أبعد عنها "
" أبعد عن الشر و غنى له "
" ملكش دعوة بـ ( كذا ) "
" بلاش كلام فى ( كذا ) "
" أبعد عن السياسة "

كل الكلام الللى مع الوقت تراكم فى نفسيتنا و تسبب فى صنع حاجز من الخوف السلبى , اللى خلّى لما الواحد نزل مظاهرة كأنه نازل يموت <<< " فى بداية الأمر قبل بدء قتل الثوار "
هذا التراكم الفظيع فجأة تبخر عندما واجهنا الخوف و أحسسنا بمعنى الحرية و ما يمكننا بذله للحصول على حريتنا فتم تدمير حاجز الخوف السلبى و عرفنا مقدرتنا كبشر

و بعد 7 أشهر من تولى المجلس و أنتهاء مهلة الـ 6 أشهر و بعد أحداث يوم 9\9 و تزايد المخاوف من أن تكون حيل من العسكر للبقاء , فالعسكر معروفين بالخبث الشديد فهم أولا و اخرا دهماء .

لكن برضة متقلقوش لسبب واحد

التربية .......... التربية ؟

أيوة التربية !

أحنا الجيل اللى كسر الخوف جواه و دا اللى هنربى أولادنا علييه
هعلم ولادى المشاركة الإيجابية
حقوقه المشروعة
أعلمه أحترام الشرطة طالما بيعاملوه بأحترام
أعلمه أنه أولاً و أخيرا أنه مصرى مش هقوله أبن 7000 سنة و فراعنة و أهرامات لأ هقوله أنه مصرى أتولد فى مصر بعد الثورة
أعلمه يفيد بلده
أعلمة يشارك فى الحيام السياسية
يساهم فى كتابة تاريخ بلده و ميقفش متفرج
عمرة ما يسكت عن حقه أبدا
يقول رأيه و ميخاف
و يبقى مواطن أيجابى .

فمهما حصل سواء العسكر مشيوا أو أترزعوا بغراء على الكرسى , برضة ولادنا هيكملوا المشوار :)

ماجد صالح

الشهيد مينا

العريس الجديد ذهب مع زوجتة إلى المستشفى و هناك تلقى الخبر السعيد " مراتك حامل فى ولد " طار من على الأرض فرحا فسوف يصبح أباً .

أنه " مينا " خراط المعادن الماهر الذى يبلغ من العمر 28 عاما فى الثمانية و عشرون عاماً لم يشارك فى مظاهرة واحدة .

أغلق ورشتة و كان عائداً لمنزلة مشيا بسبب أنقطاع المواصلات يوم 28 يناير , عابرا الطريق لتقابله رصاصة فى قلبه مباشرة ليموت شهيدا .

مينا كان مجرد عابر للطريق و أستشهد , كان عائدا لبيتة و زوجتة و لكن القدر لم يمهلة .

طلقة واحدة طائشة ستجعل أبن مينا يتيم قبل حتى أن يرى والده , طلقة خرجت من سلاح أحد أفراد الداخلية و هم يطلقون عشوائيا

أبن مينا الذى كان من المقرر أن يكون " كيرولوس مينا مجدى " سيولد كـ " مينا مينا مجدى "

هكذا حكى لى أبو مينا .

و أبوا مينا معروف فى ميدان التحرير فهو مشارك من يوم 25 يناير و مشهور بكتاباتة اللتى يفترش بها الأرض , فيها خواطره و تيشرتة المكتوب عليه " أنا أبو الشهيد مينا شهيد مصر كلها ".

و هو لن يغادر الميدان إلا بالقصاص من قتلة أبنه " مينا "

و أنت فى ميدان التحرير تجده جالسا , هائما , مفكراً و أحيانا يبكى بحرقة على أبنه متمنيا أن يكونهو من أخذ الطلقة فى قلبه بدلا من " مينا "

يفكر فى حفيده اللذى سيشرف الدنيا بقدومه بعد 37 يوم " من كتابة هذة الأسطر "

بأى ذنب أزهقت روح مينا فهو لم يكن ثائر أو بلطجى ؟

هل تتخيل شعور أبو مينا عندما يعلم بأن أبنه مات بدون سبب ؟

أين قاتل مينا ؟

كيف يعيش من أزهق روحا متحملا هذا العبء الثقيل , ألا يخاف ربه ؟

كيف يكون شعور القاتل إذا كان القتيل أبنه ؟

من يحمى قاتل مينا و غيره من القتلة , قتلة الأبرياء المجردين ؟

أن حق مينا لم و لن يضيع حتى لو مات كاتب هذة الأسطر فى سبيل الأخذ بحقه

هذا هو سبب نزولى من يوم 8 يوليو , فهل ستظل متفرجاً أم تصبح مشاركاً ؟

سيتم تنزيل صورة لمينا عند الحصول عليها

ماجد صالح
Share

أنا ليية رافضك يا داخلية

حتى الأن مش مقتنع بيكى يا داخلية , أدائك سيىء و فية غلطات تحتسب خيانة عظمى بتحصل

لما الظابط اللى كان بيقتل متظاهرين دلوقتى فى الشارع بيتمسكنلى و عاملى لامؤاخذة سوسن دا مش مكسور دا بيمثل

لما عيل عندة 10 - 12 سنة سايق موتسيكل قدامكم و سايبينة عادى

ولا لما الناس بتسترجع مصانع أو بيدافعو عن منطقتهم و البلطجية الى أقتحموا المستشفى و أنتوا مبتعملوش حاجة

ولا لما قلة تواجدكم خلت بعض الناس تقولك الثورة خربت البلد , خراب مقصود من ناحيتكم , و بتشوهو الثورة بقصد

ولا لما الأقتصاد عمرة ما هيقف على رجلة طول ما الشوارع فى حالة هرجلة " مقصودة " من طرفكم

ولا لما أمن الدولة القذر غيرو أسمة للأمن الوطنى مع الأحفاظ بالقذارة و الألاعيب لاتزال هيا هيا

ولا لما بعض القيادات بالداخلية تأمر الظباط بعدم النزول للشارع

ولا الأمناء الفاسدين اللى بيعملو مظاهرات و بتطبطبوا عليهم حتى لو ولعوا فى حاجتكم و إحنا لما بنعمل مظاهرة بنتدعك و أحكام عسكرية !

ولا القناصة اللى متصورين و لسة متجابوش

وما خفى أعظم

أنتو بتقبضو مرتب ليية ؟ شايفيين أنكم تستحقوه ؟

الحل من وجهة رأييى الشخصية هو

1- بلاش نضحك على بعض و نقول غيرنا شعار الشرطة , أنا مش عايز شعارات أنا عايز أشوف شرطة بتشتغل عايز أشوفهم بيخدموا الشعب اللى المفروض أنوا دورهم اللى بيتدفعلهم مرتبات علشان يحققوة , مرتبات من الضرايب اللى الشعب بيدفعها !

2- الأستاذ وزير الداخلية المصرى الحالى العيسوى لو مش قادر على مهامة كوزير داخلية يستقيل أفضل و ييجى واحد قادر

3- أهالى الشهدا دول يستريحوا شوية لما يتحاكم اللى قتلو ولادهم و بناتهم و يصدر عليهم حكم , مش هنقضيها تأجيلات

4- اللى فى الداخلية و يعرف واحد زميلة عمل تجاوزات قبل و أثناء و بعد الثورة يبلغ عنة فوراً

5- يبدؤا نظام دوريات لتأمين الشوارع

6- يلغوا التحوير اللى بيتم فى الأجراءات

7- التعذيب فى الأقسام لأ و تحت ال لأ دى ميت ألف خط !

8- طلعوا الناس اللى أنتوا معتقلينهم من غير أسباب سواء قبل أو أثناء أو بعد 25 يناير

عزيزتى الشرطة المصرية :- بطلى ش**** !ا

عمر ما الشعب هيرضى عنك يا داخلية غير لما تنضفى من نفسك .. سامعنى يا عيسوى ؟

ماجد صالح .