نظرية التوفيق عكاشة

يا شعب الأنترنت ..... أنا مصدوم .. مندهش ... حاسس إنى كنت غبى .. جداً

كلكم طبعا عارفين توفيق عكاشة .. صح ؟ أيوا الأهطل اللى قعدنا نشير فيديوهاته و نتريق عليها و نفبركله كمان شوية فيديوهات نضحك بيها الناس بس إحنا ...... أغبياء للأسف

إعتقدنا إن توفيق عكاشة هوا الغبى بس للأسف إحنا اللى أغبياء .

توفيق عكاشة دا من الطامحين للشهرة .. بس من الأذكياء .. لييه من الأذكياء ؟

لأن الطامحين للشهرة نوعين 1- الأذكياء :- اللى بيظهروا بسرعة و بيحافظوا على الشهرة لفترة طويلة
2 - الأغبياء اللى بيظهروا بسرعو و بينتهوا أسرع .. اللى بياخدوا الـ 15 دقيقة شهرة و الناس بتنساهم ( 15 minuets of fame )

من أيام و بعد الثورة و توفيق أدائه الأعلامى زاد و " الـعبط " زاد و الفيديوهات بتاعته بقت بتتشير كل شوية و أتعمله صفحات على النت و ناس أكتر عرفت توفيق عكاشة لدرجة أنه لو سألت أى حد فى الشارع هيقولك هوا مين .... إحنا اللى فرضنا وجود توفيق عكاشة على نفسنا ... إحنا اللى شهرناه لأننا نشرناه ..

ما لفت إنتباهى إلى غبائى هو هذا الفيديو

بالذات لما عكاشة قال :- " أنا عاملك حلقة عالية قوى , متعمد إنى أعملك الشوية دول , علشان خاطرك و الله " من 00:5 لـ 00:11

مش محتاجة خبير إعلامى علشان يفهم اللى عكاشة قاله و مش محتاجة خبير إعلامى يقول إن معنى كدة إن الحلقة متفبركة و مش محتاجة خبير إعلامى علشان يقول أحا على التعريص الإعلامى !ا

توفيق عكاشة .. إحنا اللى صنعناه .. إحنا اللى شهرناه

إحنا اللى شهرناه لما طلعله ألاف الصفحات و عملنا لايك و لما عملناله فيديوهات , و لما ألفنا نكت عليه و لما برامج عملت حلقات كاملة عليه و لما شيرنا مقاطع من برنامجه و لما بقينا نحب نضحك بقينا نقلب نتفرج عليه بس للأسف فيه حاجة إحنا مش منتبهين ليها .. إحنا قد نكون بنضحك .. قد نكون بنفهم بس فيه غيرنا كتير مش فاهمين

الناس البسيطة اللى بالنسبالهم مادام الحاجة على التلفزيون تبقى حقيقة , الناس دول شايفين توفيق عكاشة بطل مصرى شايفينه محارب الماسونية البطل المغوار الذى لا يكل و لا يمّل و الراجل اللى طلع للعالم بطل جديد زيه ( أحمد سبايدر )

دا غير أن عكاشة بقى عالمى و دا حاجة مش كويسة .. دا .. مش بيشوه صورة مصر دا بيوسخها




attention whores and people realization

• لو الناس فهمت كلامى " مش هيحصل " هيبطلو يشيروا و يتفرجوا و يـ-لايك-و و يتويتو حاجاته
  
  
• توفيق عكاشة لو لقى إن المشاهدات إبتدت تقل عيار العبط هيزيدو هيقول حاجات أنيل و تصل لدرجات الصدمة و إحتمال " 90 % " الناس هتتجاوب و يرجعوا يتفرجوا عليه
  
  
• و إحتمال ال ( 10 % ) الباقية أن الناس هتتجاهلة
  
  

• لما التجاهل يستمر هيستنفذ ما فى جعبته من عبط حتى يقل ظهوره إلى أن يختفى
  

فمشكلة توفيق عكاشة حلها فى إيدينا سواء هنشهره أكتر أو نمحيه من الوجود بأستيكة .
(نفس المشكلة بنفس الحلول تنطبق على أحمد سبايدر )

أتعهد أنى مش هنشر أى حاجة تانى عن توفيق عكاشة و الصبى بتاعه .

اللى من نفس الدولة اللى فيها توفيق عكاشة للأسف ماجد صالح .

إنتوا المفروض اللى تلبسوا طرح !ا

هذه شهادتى عن بعض ما حدث يوم السبت 19 نوفمبر

كنت نايم تعبان و أول ما صحيت فتحت الفيس لقييت سعيد بيقولى دول بيتضربوا فى الميدان و كلمنى و شوية و نزلت أنا و سعيد على الساعة تلاتة و نص و عقبال ما لقينا ميكروباص للسيدة عائشة عدى علينا بتاع نص ساعة لأن سواقين الميكروباصات مكانوش عايزين ينزلو السيدة عائشة و ركبنا لبباب الخلق و نزلنا بعيد إلى حد ما من الميدان و مشينا لمدة 15 دقيقة و دخلنا الميدان , كان العدد قليل و فيه عربية أمن مركزى مولعة .

هتفنا شوية و دخلنا أنا و سعيد معركة محمد محمود على الصف الأولانى قعدنا نضرب و فى وسط الضرب خدت مطاطى فى كتفى و فى المؤخرة " جايبين قناصة مطاطى ولاد الوسخة هههه " بس مفرقش معايا علشان لابسي تقيل . و فى مرة و أحنا بنتراجع النضارة وقعت و أنا من غير نضارة زى كوز الذرة .... مليش لازمة .... بس الحمد لله لحقتها " مش عارف إزاى " من على الأرض و محدش داس عليها و بعد عمليات هجوم و تراجع و بسبب الغاز دخلوا علينا الميدان و الناس واقعة فى الأرض , شيلنا الأتنين اللى فى طريقنا لأقرب المخارج عند عمر مكرم عند الأسعاف و مسيبناهمش إلا و هما كويسين و بيردوا علينا و طلعنا عند قصر النيل و دخل ولاد الوسخة الميدان و بيضغطوا علينا , الناس بتقول الكوبرى مقفول من الناحية التانية , قعدنا حوالى ساعة عند الأسدين نضرب عليهم لحد ما دخلوا بالغاز المكثف تانى نزلنا شمال على الشارع و فضلنا فى كر و فى و فيه ناس قالت نفتح المرور علشان العربيات تعطلهم بس للأسف المرور لما أتفتح اللأمن المركزى اللى جاى من الناحية التانيةوصل أسرع بس الحمد لله هجمنا على البوكس طلع جواه رتبة كبيرة و عسكرى , الناس مشوا العسكرى و مسكوا الرتبة بقوله أيه الـ***** اللى أنتوا بتعملوها دى يقولى خلاص خلاص خلاص و جيه واحد من ورا إداله شلوت فشيخ الراجل طار و بعد كدة خدوه مش عارف راح فين و سعيد خد خرطوش فى إيده و كان فيه محاولات دهس من عربيات ولاد الوسخة المركزى و دخلنا لما سمعنا أن مداخل كتير عليها ثوار بيضغطوا دخلنا من عند المتحف المصرى و الميدان أصبح لنا

ملاحظات اليوم
- شوفت ستات بنات مصريين الواحدة فيهم بـ 100 واحد من اللى بيقولو النساء عورة و لازم يقعدوا فى البيت و من غيرهم كنا هنتفشخ اليوم دة لأنهم كنوا اللى بيفوقونا من الغاز , دا غير الدعم النفسى لما تلاقى ست عجوزة فى وسط الضرب و بتدعيلنا

- الغاز يوم السبت كان حله الخل يتشم و البيبسى على الوجه و لكن يوم 20 الغاز مختلف , الخل مبيعملش حاجة و البيبسى بيزود الحرقان فى الوش

- ناس كتيرة قوى من التيار الأسلامى نزلت بعد القصة دى كلها و تلاقيه بيتكلم فى الأنتخابات و ريحته مسك كدة ولا كأننا كنا بنتفشخ من شوية

- كنت يومها تعرف اللى معاك من بدرى من ريحته اللى كلها غاز و خل و بيبسى

- كان فيه عيال بيسلموا الناس للشرطة بأنهم يقولو الشارع كذا الناس بتتقفش فيه و يشاورلك على شارع جانبى .... دايما تأكد من الشارع بنفسك و أمشى فى شوارع تعرفها

- كنت عندى يأس طول اليوم لولا سعيد اللى كان جنبى طول اليوم و بث فيا الأمل ... من غير سعيد كان الوضع أختلف بالنسبة لى .... شكرا يا سعيد

متقلقوش

متقلقوش !

من قراءة أراء الناس لسماع أحاديث الشارع , خاصة بعد تفعيل قانون الطوارىء و زيادة بعض البنود علييه و التوجس من تشبث العسكر بالحكم و أن نظل دولة عسكرية , أحب أقول متقلقوش

سألتونى لييه .... هقولكم :-

على الرغم من أننا الجيل إلى أهله قالوله
" أمشى جنب الحيط "
" لو شفت مظاهرات أبعد عنها "
" أبعد عن الشر و غنى له "
" ملكش دعوة بـ ( كذا ) "
" بلاش كلام فى ( كذا ) "
" أبعد عن السياسة "

كل الكلام الللى مع الوقت تراكم فى نفسيتنا و تسبب فى صنع حاجز من الخوف السلبى , اللى خلّى لما الواحد نزل مظاهرة كأنه نازل يموت <<< " فى بداية الأمر قبل بدء قتل الثوار "
هذا التراكم الفظيع فجأة تبخر عندما واجهنا الخوف و أحسسنا بمعنى الحرية و ما يمكننا بذله للحصول على حريتنا فتم تدمير حاجز الخوف السلبى و عرفنا مقدرتنا كبشر

و بعد 7 أشهر من تولى المجلس و أنتهاء مهلة الـ 6 أشهر و بعد أحداث يوم 9\9 و تزايد المخاوف من أن تكون حيل من العسكر للبقاء , فالعسكر معروفين بالخبث الشديد فهم أولا و اخرا دهماء .

لكن برضة متقلقوش لسبب واحد

التربية .......... التربية ؟

أيوة التربية !

أحنا الجيل اللى كسر الخوف جواه و دا اللى هنربى أولادنا علييه
هعلم ولادى المشاركة الإيجابية
حقوقه المشروعة
أعلمه أحترام الشرطة طالما بيعاملوه بأحترام
أعلمه أنه أولاً و أخيرا أنه مصرى مش هقوله أبن 7000 سنة و فراعنة و أهرامات لأ هقوله أنه مصرى أتولد فى مصر بعد الثورة
أعلمه يفيد بلده
أعلمة يشارك فى الحيام السياسية
يساهم فى كتابة تاريخ بلده و ميقفش متفرج
عمرة ما يسكت عن حقه أبدا
يقول رأيه و ميخاف
و يبقى مواطن أيجابى .

فمهما حصل سواء العسكر مشيوا أو أترزعوا بغراء على الكرسى , برضة ولادنا هيكملوا المشوار :)

ماجد صالح

الشهيد مينا

العريس الجديد ذهب مع زوجتة إلى المستشفى و هناك تلقى الخبر السعيد " مراتك حامل فى ولد " طار من على الأرض فرحا فسوف يصبح أباً .

أنه " مينا " خراط المعادن الماهر الذى يبلغ من العمر 28 عاما فى الثمانية و عشرون عاماً لم يشارك فى مظاهرة واحدة .

أغلق ورشتة و كان عائداً لمنزلة مشيا بسبب أنقطاع المواصلات يوم 28 يناير , عابرا الطريق لتقابله رصاصة فى قلبه مباشرة ليموت شهيدا .

مينا كان مجرد عابر للطريق و أستشهد , كان عائدا لبيتة و زوجتة و لكن القدر لم يمهلة .

طلقة واحدة طائشة ستجعل أبن مينا يتيم قبل حتى أن يرى والده , طلقة خرجت من سلاح أحد أفراد الداخلية و هم يطلقون عشوائيا

أبن مينا الذى كان من المقرر أن يكون " كيرولوس مينا مجدى " سيولد كـ " مينا مينا مجدى "

هكذا حكى لى أبو مينا .

و أبوا مينا معروف فى ميدان التحرير فهو مشارك من يوم 25 يناير و مشهور بكتاباتة اللتى يفترش بها الأرض , فيها خواطره و تيشرتة المكتوب عليه " أنا أبو الشهيد مينا شهيد مصر كلها ".

و هو لن يغادر الميدان إلا بالقصاص من قتلة أبنه " مينا "

و أنت فى ميدان التحرير تجده جالسا , هائما , مفكراً و أحيانا يبكى بحرقة على أبنه متمنيا أن يكونهو من أخذ الطلقة فى قلبه بدلا من " مينا "

يفكر فى حفيده اللذى سيشرف الدنيا بقدومه بعد 37 يوم " من كتابة هذة الأسطر "

بأى ذنب أزهقت روح مينا فهو لم يكن ثائر أو بلطجى ؟

هل تتخيل شعور أبو مينا عندما يعلم بأن أبنه مات بدون سبب ؟

أين قاتل مينا ؟

كيف يعيش من أزهق روحا متحملا هذا العبء الثقيل , ألا يخاف ربه ؟

كيف يكون شعور القاتل إذا كان القتيل أبنه ؟

من يحمى قاتل مينا و غيره من القتلة , قتلة الأبرياء المجردين ؟

أن حق مينا لم و لن يضيع حتى لو مات كاتب هذة الأسطر فى سبيل الأخذ بحقه

هذا هو سبب نزولى من يوم 8 يوليو , فهل ستظل متفرجاً أم تصبح مشاركاً ؟

سيتم تنزيل صورة لمينا عند الحصول عليها

ماجد صالح
Share

أنا ليية رافضك يا داخلية

حتى الأن مش مقتنع بيكى يا داخلية , أدائك سيىء و فية غلطات تحتسب خيانة عظمى بتحصل

لما الظابط اللى كان بيقتل متظاهرين دلوقتى فى الشارع بيتمسكنلى و عاملى لامؤاخذة سوسن دا مش مكسور دا بيمثل

لما عيل عندة 10 - 12 سنة سايق موتسيكل قدامكم و سايبينة عادى

ولا لما الناس بتسترجع مصانع أو بيدافعو عن منطقتهم و البلطجية الى أقتحموا المستشفى و أنتوا مبتعملوش حاجة

ولا لما قلة تواجدكم خلت بعض الناس تقولك الثورة خربت البلد , خراب مقصود من ناحيتكم , و بتشوهو الثورة بقصد

ولا لما الأقتصاد عمرة ما هيقف على رجلة طول ما الشوارع فى حالة هرجلة " مقصودة " من طرفكم

ولا لما أمن الدولة القذر غيرو أسمة للأمن الوطنى مع الأحفاظ بالقذارة و الألاعيب لاتزال هيا هيا

ولا لما بعض القيادات بالداخلية تأمر الظباط بعدم النزول للشارع

ولا الأمناء الفاسدين اللى بيعملو مظاهرات و بتطبطبوا عليهم حتى لو ولعوا فى حاجتكم و إحنا لما بنعمل مظاهرة بنتدعك و أحكام عسكرية !

ولا القناصة اللى متصورين و لسة متجابوش

وما خفى أعظم

أنتو بتقبضو مرتب ليية ؟ شايفيين أنكم تستحقوه ؟

الحل من وجهة رأييى الشخصية هو

1- بلاش نضحك على بعض و نقول غيرنا شعار الشرطة , أنا مش عايز شعارات أنا عايز أشوف شرطة بتشتغل عايز أشوفهم بيخدموا الشعب اللى المفروض أنوا دورهم اللى بيتدفعلهم مرتبات علشان يحققوة , مرتبات من الضرايب اللى الشعب بيدفعها !

2- الأستاذ وزير الداخلية المصرى الحالى العيسوى لو مش قادر على مهامة كوزير داخلية يستقيل أفضل و ييجى واحد قادر

3- أهالى الشهدا دول يستريحوا شوية لما يتحاكم اللى قتلو ولادهم و بناتهم و يصدر عليهم حكم , مش هنقضيها تأجيلات

4- اللى فى الداخلية و يعرف واحد زميلة عمل تجاوزات قبل و أثناء و بعد الثورة يبلغ عنة فوراً

5- يبدؤا نظام دوريات لتأمين الشوارع

6- يلغوا التحوير اللى بيتم فى الأجراءات

7- التعذيب فى الأقسام لأ و تحت ال لأ دى ميت ألف خط !

8- طلعوا الناس اللى أنتوا معتقلينهم من غير أسباب سواء قبل أو أثناء أو بعد 25 يناير

عزيزتى الشرطة المصرية :- بطلى ش**** !ا

عمر ما الشعب هيرضى عنك يا داخلية غير لما تنضفى من نفسك .. سامعنى يا عيسوى ؟

ماجد صالح .

أعتذار مبارك للشعب المصرى

بسم الله الرحمن الرحيم

الأخوة المواطنون

أنا حكمت 30 سنة زى الفراعنة
عندى مليارات سرقتها منكم
جبت القمح المسرطن
أستوردت اللحمة الغير صالحة
مبوظ أقتصاد مصر
قتلت الثوار
أعتقلت الألوفات
عذبت المواطنين
خليت السرطان ينتشر فى بلدك
خليت معاش أبوك 500 جنية بعد ما بهدلتة 30 سنة شغل
غرقت كام ألف كدة فى عبارة
موت كام ألف تانيين محروقين فى قطر
أنا عميل إسرائيلى
عينت طراطير و كلاب و خليتهم وزراء
زورت فى التاريخ
فى عهدى الجنية بقى ملوش لازمة
خليت المهندس يشتغل بواب و سواق ميكروباص
خليت دكتور الأمتياز يقبض 280 جنية
أنا المسئول على كنيسة أتفجرت يوم عيد
خليت الشباب يهاجر من مصر
أنا السبب أن فية شباب ماتت بتحاول تهرب من البلد
العلماء يسافرو برة مصر و يسيبوها
فى عهدى خليت طبال ملياردير
زورت الأنتخابات بجميع أنواعها
عهدى نسبة الفقر وصلت 40 %
بصدر الغاز اللى بلدى محتاجاه لإسرائيل
كنت بروح التصويت فى مدرسة معمولالى مخصوص
شوهت سمعة كل اللى يقول كلمة حق قدامى
بوظت التعليم فى مصر
كنت همسك جمال أبنى
الفساد خليتة يتفشى فى البلد
كان ناقصلى الهرم و النيل و أبقى بيعت مصر كلها

أيها الأخوة المواطنون

أنا أسف , إشطا ؟ بيس ! أوك ؟ يالا سلام , سى يو سون

رسالة موجهة للشيخ ابو أسحاق الحوينى أرجو متطلعش تقول بهزر !

مادام حضرتك يا شيخ دخلت و قولت ان بيع البيض و الرنجة و الفسيخ يوم شم النسيم حرام لأنها من مظاهر الأحتفال بعيد شم النسيم

فبطريقة المعادلات الرياضية أقتباسا من كلام حضرتك :-

- بما أن عيد شم النسيم عيد المشركين
- بما أن فية بياعين بيبيعوا بيض و فسيخ و رنجة يوم شم النسيم
- بما أن " يحرم على أى بائع دا برضة عند العلماء كلهم أن يبيعفى هذا اليوم أى مطعوم يقوم بة هذا العيد , فالا يجوز بيع البيض ولا بيع الرنجة ولا بيع الفسيخ و من فعل ذلك فهو أثم و كسبة حرام " من 1:23 إلى 1:47 فى الفيديو اللى تحت بالفيديو أهوة
- إذا حرام بيع يبيعوا بيض و فسيخ و رنجة يوم شم النسيم !

و بنفس المبدأ .. حبيت أنا كمان أعمل حبة أجتهادات كدة !!!

- بما أنك يا شيخ لابس ساعة يد فى يدك اليمنى و الساعة دى يا صينى يا يبانى يا تايوانى مثلا
- فلنفترض أنها صينية نتائج استطلاعات الرأي فى الصين نتيجتها أن الأديان التقليدية مثل البوذية و الطاولية و الديانات الصينية الشعبية هي المعتقدات السائدة فى الصين- بما أن أنتا بتكسب دولة الصين " الصانع الصينى " 20 جنية مثلا مكسب فى الساعة
- بما أن الصانع الصينى دا مشرك
- بما أن الصانع دا مشرك إذا بياخد العشرين جنية يروح يجييب ساكى " مشروب كحولى " ولا يشترى بيرة ولا أى حاجة و يأربع بفلوسك
- مشرك و الخمرة بالنسبالو عادية
- بما أن بمساندتك لمنتج الراجل دا أرتكب ذنب أنتا دافع الفلوس
- إذا شراء الساعة حرام

و نفس المثال ينطبق على أى الميكروفون حتى البوتوجاز الصينى هيبقى حرام

و من أجتهاداتى أيضا

- بما أن هناك مناسبة بيتقابل فيها الأقارب من جميع أنحاء الدولة " صلة رحم "
- بما أن هناك مناسبة تجعل الأسرة تخرج لتتنزة مما يزيد من ترابط الأسرة
- بما أن المناسبة تدخل البهجة فى نفوس الأطفال المسلمين
- بما أن السلوكيات فى هذة المناسبة ليست محرمة " أكل البيض و الرنجة و الفسيخ حلال و الخروج حلال و السفر حلال و البهجة حلال "- بما أن أسم هذة المناسبة شم النسيم
- إذا شم النسيم مناسبة نسبية يختلف طريقة الأحتفال بها من شخص لأخر فهى فى رأيى الشخصى يوم لذيذ بنقضيية !!!

خلاص الشيوخ بقوا بيحرموا وفقا لأجتهاداتهم و يصدرون أجتهاداتهم كأنها نصوص قرأنية مؤكدة بنسبة 100% !!!

و الله أنا فاكر لما الشيوخ كانوا لما بيفتوا زمان كانوا يقولو و الله أعلم !!!

أرجو متطلعش تقول بهزر يا شيخ !!!

المصرى المسلم ماجد صالح و الله أعلم !!!

شكرا أستاذ عمرو عكاشة .

و نزلت التحرير ......

نازل التحرير و كلى أفكار و دماغى بتودى و تجيب , هل الناس هناك فعلا طوائف و أحزاب زى ما الأخبار الكاذبة بتقول ؟ هل الميدان كله أخوان زى ما القنوات المنحطة بتحاول تروج ؟

أتفقت مع جارى و صديقى المحترم جدا , و نزلنا و فى دماغى مليون سيناريو أول ما أبتدينا ندخل الجيش كان متعاون و اللجان الشعبية كانت بتفتش الداخلين أكثر من مرة و على المدخل شاب بيقول , و أنا أقتبس " أى حد حزب وطنى أو بلطجية يروح على ماسبيرو " و أتفتشنا حوالى 5 مرات و كل مرة بيشوفو البطاقة و لما دخلت الميدان كنت لسة ماسك البطاقة فى أيدى و قال لى شاب " حط بطاقتك فى جيبك أنتا فى ميدان الأحرار " عجبتنى جدا الكلمة دى و أعدت أصور المصرين بأختلاف أشكالهم و مستواهم و أستمع ليهم و كان يوم له قيمة كبيرة فى الأيام اللى عدت عليا .

لم يكن هناك هتافات حزبية .

محدش فى الميدان معاة سلاح كما يروج البعض .

علماء الأزهر كانو معانا .

و كان فى دماغى الكلام اللى قالو حسن يوسف تحديدا على القناة الأولى عن وجبات كنتاكى و التمويل الخارجى , سامى يوسف لقد فقدت ثقتى و أحترامى لك فالمصربون يساندون بعض فاللى معاه سندوتشين بياكل واحد و ينادى " حد جعان ؟ " أفخم الوجبات هى علبة الكشرى أم 4 أو 5 جنية و فى ناس بتسترزق بمعجونات زى البقسماط و البسكوت بالعجوة و الناس بتجمع من بعض و يجيبوا أزايز مياه .

و لما خرجت من ميدان التحرير حسيت أنى مفتقدة و إن شاء الله هرجعلو تانى

بسمة الممثلة

كبيرة التنظيم الأخوانى فى ميدان التحرير التى توزع وجبات الكنتاكى

بحب الصورة دى جدا

المتظاهرون يجمعون القمامة

حاسس أنى كتبت قليل المرادى بس من كتر ما شوفت مش عارف أكتب أيه ولا أيه ...

ماجد صالح